कधी कधी तिची आठवण येते आणि मन कासावीस होतं. एकटेपणा असहनीय होतो पण गर्दीत तरी कुठं रमतं. मग तिला फोन लावतो ती मेसेज करून कळवते "आई बरोबर बाहेर आहे". मी ही मग बाहेर कुठेतरी निघून जातो.
माहितिये ती या शहरात राहत नाही; तरी कुठेतरी वाटतं कोण्या अनोळखी वळणावर तिच्याशी धडक व्हावी. ती मम्मी सोबत आहे बोलली ... म्हणून आपसूक "नमस्कार काकू" म्हणता म्हणता कोपर्यातून तिला नजर देण्याची उगाच पण नकळत प्रेक्टीस करूनही टाकतो. मग स्वतावरच क्षणभर हसतो "मुली मुलांना वेड लावतात उगाच नाही म्हणत" म्हणून दातभर हसतो. मग तिचा तो हळुवार हसणारा, लाजणारा चेहरा आठवून चालत राहतो. कुठेतरी एकांत शोधत. पेट्रोल पाम्पावरच्या वळणावर बसवलेल्या त्या आपल्याश्या बेंचवर बसतो आणि तिला एक मेसेज करतो "काशियेस ....."
No comments:
Post a Comment